Áður en þú smellir af stafrænni mynd - námskeiðaröð Focus on Nature

14. febrúar kl 18:30-22

Mikilvægt er að gera sér grein fyrir því að verkferill við vinnslu stafrænna mynda hefst áður en smellt er af. Ýmis atriði varðandi lýsingu, gæði, stillingar myndavéla, skráasniða og fleira er upphafið að því verkferli sem framundan er; - að gera góða mynd. Í stærðfræði lærum við samlagningu og frádrátt áður en við lærum margföldun og deilingu. Það sama á við um stafræna ljósmyndun, - við þurfum í upphafi að læra og skilja grunnlögmál stafrænna ljósmynda áður en lengra er haldið. Til dæmis velja rétt minniskort, formatera kort, myndvinnsla í myndavélinni, hver er hún, hvenær og hvað skiptir máli í stillingum á myndavélum, hvað er Raw skráasnið, kjör ISO stilling, white balance, white balance viðmið, skilja histograms, lýsing fyrir stafrænar myndir og hámark upplýsinga, 16 og 8 bit, fílterar, vinnuumhverfi og afrit.

Fyrir 1. – 2. stig

Námskeiðin verða haldin hjá Cinema 2, fyrir ofan Kaffi Haiti, í gömlu verbúðunum við Geirsgötu 7b, 101 Reykjavík.

Nánari upplýsingar www.focusonnature.is