Greinar

Þegar kemur að kennslumálum er því haldið fram að ljósmyndarar tempri viljandi aðgang nema að greininni. Það er fullkomlega rangt og vísvitandi villandi yfirlýsingar þeirra sem ekki nenna að leggja á sig nám. ........mig langar að fræðast nánar

Tveir nýlegir atburðir hafa orðið til þess að ég rifjaði upp gömul orð mín um að ljósmyndun eða réttarasagt ljósmyndarar væru deyjandi stétt. Annars vegar er það umræðuþráður á LMK (www.ljósmyndakeppni.is) og hins vegar ráðstefna um stafrænt frelsi þar sem creative commons var meðal annars kynnt.

Umræðurþráðurinn á LMK spannst út frá viðtali við ljósmyndarann Finnboga Marinósson á Akureyri og orð hans í garð áhugamanna að þeir væru fúskarar. Staðreyndin er því miður sú að hann hefur að mjög miklu leyti rétt fyrir sér, en eins og með allar reglur þá eru til undantekningar og þær sumar góðar.

Eitt er það sem hefur slegið mig mikið í umræðunni um ljósmyndun og réttindi er virðingaleysi gagnvart ljósmyndun. Virðingarleysi það sem sem skín út úr orðum margra sem vilja að réttindi þau sem iðnlöggjöfin og starfsheitið ljósmyndari veita verði tekin til endurskoðunar og helst felld niður.........mig langar að fræðast nánar

Það er ekkert gaman að velt því fyrir sér hver upphæð myndþjófnaðar ef tillit er tekið til umfangs þjófnaðarins. Ég geri hér ráð fyrir einföldu dæmi en geri mér fyllilega grein fyrir því að hér er sennilega verulega vanreiknað.

Ef við gefum okkur að netrit eða dagblað taki trausta taki eina mynd á dag að jafnaði og skoðum verðskrá sem telst vera nokkuð eðlileg miðað við mynd sem er 1/8 úr síðu og upplag sem er 50.000 eintök þá eru tölurnar sláandi ef við gefum okkur að myndin kostaði  5.772,00.Útkoman úr þessu reiknings dæmi er þá 2.106.780 . Margfaldið það svo með fjölda netrita og blaða sem koma út bara á íslandi. Förum varlega í hlutina og gefum okkur 10 rit og við erum komin upp í 21.067.800 árlega. Þetta er fyrir utan allar blog síðurnar sem nota myndir en þær teljum við ekki með í þessu tilviki þó svo þær skapi útgáfunni auglýsingatekjur.........mig langar að fræðast nánar

Sú spurning kemur reglulega upp hvort nauðsynlegt sé að merkja myndir sem settar eru á alnetið. Sumir berra því við að slík merking sé svo ljót að þeir vilji ekki skemma myndirnar á þann hátt. Þetta er al röng hugsun.

Ef skoðuð eru málverk þá má yfirleitt sjá á þeim merkingu. Merkingin er jú auðkenni listamannsins og hans staðfesting eða undirskrift á því að hann hafi gert verkið. Þó til séu góðir falsarar þá hafa einmitt slíkar undirritanir verið til þess fallnar að vekja athygli manna á því að kanski væri ekki allt í lagi.

Undirskrift á ljósmyndum ein og sér kemur ekki í veg fyrir að þeir sem eru bíræfnir steli myndum. Það get ég vitnað um. Menn ganga á stundum ótrúlega langt í því að reyna að fela stuldinn með því að þurrka út undirskriftina. Þar með hafa þeir líka gert sig seka, án vafa, um lögbrot og kláran þjófnað. Bara þess vegna ættu menn að merkja myndirnar.........mig langar að fræðast nánar

Citizen journalism veit ég ekki hversu mikið hefur verið ræddur hér á íslandi undanfarið. Verð að játa að af þeirri umræðu hef ég alveg misst. Slík borgaraleg fréttamennska er samt sem áður ekkert ný af nálinni. Það má segja að í gegnum tíðina hafi hún að vissu leyti haldið uppi fréttamennsku af landsbyggðinni.Þannig var það tips frá borgara sem gaf mér þessa frétta mynd fyrir margt löngu.Ástæða þess að ég tek upp þetta mál hér í þessu riti er lítil grein á síðum mbl.is eða nánar myndirnar sem fylgja umfjöllun um kjötsúpu daginn á skólavörðustígnum. Meðfylgjandi þeirri grein eru einhverjar þær lélegustu myndir sem ég hef í langan tíma séð teknar á síma. Ekki má skilja mig sem svo að ég sé á móti síma myndum í fréttamennsku. Þær eru komnar til að vera og í sumum tilvikum full góðar.  Staðreyndin er hins vegar sú að í þessu tilviki var ekki um neina örlaga frétt að ræða og því hefði alveg eins mátt sleppa myndum eða fréttinni í heild hefðu menn ekki í sér metnað til að gera betur. Myndavél í síma lítur sömu lögmálum og önnur myndataka. Menn verða að kunna að fara með það sem þeir hafa í höndunum.........mig langar að fræðast nánar

Ljósmynd© Kristján Logason

Mér kemur í sjálfu sér ekkert á óvart að fólk það sem fjallað er um í frétt morgunblaðsins skuli bregðast við á þennan hátt.........mig langar að fræðast nánar

Fékk í dag sendingu frá blog.is þar sem þeir minna á að tónlistarspilarinn sem þeir bjóða uppá er í raun ólöglegur. Alla vegana ef þú ert með tónlist í honum sem þú hefur ekki samið eða átt höfundaréttinn á. Nema þú hafir fengið leyfi viðkomandi tónlistarmanns eða hann dreift laginu frítt á netinu, en þá máttu bara spila það fyrir sjálfan þig. Ef aðrir hlusta ertu orðin útvarpsstöð og þarft að borga stef gjöld.........mig langar að fræðast nánar