Sýningar

Ljósmyndasýning í Menningarhúsinu Bergi á Dalvík á laugardaginn kl. 14:00 en sýningin verður opin til 17. maí

Hugmynd að verkefninu himinn og jörð vaknaði þegar ég var að fara í starfsviðtal til Ólafsfjarðar í janúar 2010. Ég staldraði við í Múlanum og þar blasti Grímsey við en þangað hafði ég komið og notið þess að skoða fallegt landslagið heimsækja góða vini og njóta.

........mig langar að fræðast nánar

Leifur Þorsteinsson, ljósmyndari, sýnir í Ljósmyndasafni Reykjavíkur 15 myndir af Landsmiðjunni gömlu sem nú er horfin. Myndin er annar hluti sýningarraðar Leifs, Sýningarröð 2011.

Leifur tók myndirnar árið 1966, fyrir Iðnsýningu Reykjavíkur og tók þá líka myndir af eldsmiðjunni, en þær voru ekki sýndar á Iðnsýningunni, þar sem sá verkþáttur þótti gamaldags. Myndirnar sýna bæði menn að störfum, sem og vinnuaðstöðuna í Landsmiðjunni. Sýningin verður opnuð í dag og stendur til 8. maí.

........mig langar að fræðast nánar

Næstkomandi Laugardag 12 mars kl 15 munu ljósmyndararnir Katrín Elvarsdóttir og Pétur Thomsen oppna ljósmyndasýningu í Listasafni Akureyrar. Um sýninguna segir meðal annars í sýningarskrá...

 Á sýningunni eru verk eftir Katrínu Elvarsdóttur og Pétur Thomsen. Tvo myndlistarmenn sem valið hafa sér ljósmyndina sem miðil og virðast stundum hafa allt að því fullkomna stjórn á miðlinum, í það minnsta upp að því marki sem raunverulega er mögulegt að hafa stjórn á honum....

........mig langar að fræðast nánar

Laugardaginn 12. mars kl. 15 opnar Jóhannes Frank ljósmyndasýningu í Gallerí Fold við Rauðarárstíg. Á sýningunni sem listamaðurinn kallar Birtuskil gefur að líta svart hvítar ljósmyndir frá náttúru Íslands.

Sýningin stendur til 27. mars 2011.

........mig langar að fræðast nánar

EI(land)

Ljósmyndasýning 12. mars - 8. maí 2011
Í samstarfi við Listasafn Árnesinga og Sputnik photos í Póllandi
 

Ljósmyndasýningin er afrakstur verkefnis sem Sputnik photos ákvað að ráðast í með styrk frá Menningarsjóði Póllands og EES / EFTA ríkjanna, Íslands, Liechtenstein og Noregs. Verkefnið verður kynnt með dagskrá í Norræna húsinu 11. febrúar kl. 20. Settar verða upp þrjár sýningar á Íslandi og þrjár í Póllandi. Fyrsta sýningin opnar í Menningarhúsinu Hofi, laugardaginn 12. febrúar og síðan verða opnaðar sýningar hér í Gerðubergi og í Listasafni Árnesinga laugardaginn 12. mars. Á sýningunni má sjá afrakstur úr ferðalögum pólsku ljósmyndaranna og íslensku rithöfundanna sem ferðuðust um landið á síðasta ári. Auk sýninganna verður gefin út vegleg bók og margmiðlunarefni. Heiti sýningarinnar á ensku er IS(not) og ber bókin það nafn. Sýningarstjóri og ritstjóri bókarinnar er Andrzej Kramarz. Marzena Michalek er verkefnisstjóri fyrir hönd Sputnik photos.
........mig langar að fræðast nánar